Presidenja Vjosa Osmani ka thënë se është e rrezikshme të kesh një fqinj si Serbia.

Sipas saj, NATO dhe ushtria e Kosovës do t’i parandalojnë skenarët e presidentit serb, Aleksandar Vuçiq.

Ajo në një intervistë për gazetën kroate Veçernji List ka folur edhe për raportet mes Kosovës dhe Kroacisë.

“Jam shumë krenare për marrëdhëniet e mia me Kroacinë. Si presidente, unë jam aktivisht i përfshirë në bashkëpunim me të gjitha institucionet në Kroaci për të bashkuar vendet dhe njerëzit tanë, për të hequr çdo pengesë në rrugën e bashkëpunimit tonë, për të bërë gjithçka për të mirën e popullit tone”.

Osmani për median kroate ka folur për situatën në Kosovë, për bisedimet me Serbinë dhe provokimet e presidentit serb, Aleksandar Vuçiqit dhe se pse e kundërshton themelimin e Asociacionit.

Presidentja e Kosovës njëherësh hodhi poshtë çdo mendim për ndarjen e Kosovës, duke theksuar se do të hapte kutinë e Pandorës dhe njoftoi për një vizitë zyrtare në Kroaci së shpejti.