Spanja do t’u japë 400 euro në muaj refugjatëve ukrainas

A woman holds her child in a temporary shelter at a gym of a primary school in Przemysl, near the Polish-Ukrainian border on March 12, 2022. - More than two and a half million people have fled the "senseless war" in Ukraine, the UN says -- more than half to Poland. (Photo by Louisa GOULIAMAKI / AFP) (Photo by LOUISA GOULIAMAKI/AFP via Getty Images)

23:50 | 2 Gusht 2022
Trina Galanxhi

Qeveria e Spanjës do të japë 400 euro në muaj për refugjatët ukrainas që kanë gjetur strehim në atë vend, transmeton Anadolu Agency (AA).

Ndihma do t’u jepet ukrainasve që kanë marrë mbrojtje të përkohshme në Spanjë dhe nuk kanë burime të mjaftueshme financiare.

Qeveria miratoi dekretin mbretëror të hënën, njofton Ministria e Përfshirjes, Sigurimeve Shoqërore dhe Migracionit.

Për çdo të mitur do të ndahen edhe 100 euro shtesë.

Qeveria tha muajin e kaluar se më shumë se 130 mijë personave nga Ukraina u është dhënë mbrojtje e përkohshme në Spanjë që nga fillimi i luftës me Rusinë.

Sipas të dhënave të fundit nga Agjencia e OKB-së për Refugjatët, pothuajse 10 milionë ukrainas kanë ikur në vende të tjera që nga fillimi i luftës më 24 shkurt.