Vedat Muriqi sot pritet të zyrtarizohet tek skuadra spanjolle, Mallorca.

Klubi spanjoll më në fund ka arritur ta bindë skuadrën italiane, Lazio, për ta transferuar yllin e kombëtarës së Kosovës.

Muriqi ishte pjesë e skuadrës spanjolle në një periudhë kohore rreth 6 muaj në formë huazimi me mundësi blerje në fund, por në fund u shfaqën probleme pasiqë Lazio kërkonte shifër të madhe për kartonin e kosovarit.

Prizrenasi shpesh herë ishte pjesë e postimeve të klubit spanjoll, gjthashtu edhe faqja zyrtare e La Ligës  kishte publikuar pamje nga ndeshjet e ndryshme ku kishte debutuar Muriqi.

“Pirati”, siç e quajnë në Spanjë, e ka gëzuar edhe ligën spanjolle, e cila e ka bërë një postim për përfaqësuesin kosovar në rrjetet sociale, duke e kujtuar eksperiencën e tij në pjesën e dytë të sezonit 2021/22, ndërsa shkruan se Mallorca e kishte të domosdoshme ta kishte në ekipin e saj një “Pirat”.

Muriqi do t’i bashkohet sot ekipit në stërvitje dhe shpejt do ta nënshkruajë kontratën me Mallorcan.

??‍☠️​​ @MuriqiVedat: ¡Un pirata ??????????????!@RCD_Mallorca. ?❤️#LaLigaSantander pic.twitter.com/hLCBfKtgEL

— LaLiga (@LaLiga) July 20, 2022

Kujtojmë që 28-vjeçari ishte i lidhur me një transferim të bundshëm drejt Club Brugge, por sipas klubit, sulmuesi nuk arriti t’i kalojë testet mjekësore./arbresh.info/