Skuadra e Barcelonës është duke pasur probleme me lojtarët që një kohë të gjatë.

Trajneri i katalunasëve, Xavi Hernandez, ka vendosur që gjatë dritares së transferimeve verore, t’i largojë disa lojtarë në mënyrën që ta “pastrojë” skuadrën.

Mediat spanjolle dhe ato franceze, ditëve të fundit kanë raportuar për një transferim të mundshëm të Neymar Jr drejt Barcelonës.

Ndërsa “Sport” ka raportuar se katalunasit, kanë shprehur interesim edhe për ish-lojtarin e tyre, Luis Suarez, përcjell arbresh.info.

Siç duket,  Barcelona i ka rënë pishman që  ka lejuar të largohen më herët lojtarët e tyre.

Uruguaiani në fund të muajit qershor do të jetë lojtarë i lirë, pasiqë do t’i skadojë kontrata me Atletico Madridin, ndërsa procesi i rinovimit të kontratës, nuk është që ka pasur ndonjë efekt.

Ndërsa Paris Saint-Germain, ka vendosur ta vendos yllin brazilian, Neymar Jr, në shitje, duke e vlerësuar kartonin e tij me shumën prej 50 milionë euro. /arbresh.info/