Ish-kryeministri i Kosovës dhe deputeti i Lidhjes Demokratike të Kosovës, Avdullah Hoti, ka njoftuar në Facebook se libri “Ekonomiksi” i nobelistëve Paul Samuelson dhe William Nordhause, i përkthyer nga ai, do të jetë shumë shpejt i botuar në gjuhën shqipe.

Hoti, i cili është edhe profesor, ka thënë se pret me padurim që në vjeshtë t’u ligjërojë studentëve lëndën e ekonomiksit me librin e ri, i cili, sipas tij, përdoret në universitetet më të njohura ndërkombëtare, shkruan arbresh.info.

Ai thotë se ky libër përmban tema tepër të rëndësishme që trajtojnë në mënyrë shkencore zhvillimet e fundit, si: ekonomiksi i ambientit, trajtimi i mallrave publike globale në një botë komplekse, ekonomiksi i sigurimeve, ekonomiksi i zhvillimit etj.

Sipas tij ky libër do të jetë në dispozicion në shtator 2022 për të gjithë studentet.

Librin e botuar, Hoti ka shkruar se ua dedikon prindërve të tij./arbresh.info