Sfungjerët e kuzhinës përmbajnë më shumë baktere sesa furçat e kuzhinës, gjë që mund të jetë një mënyrë më higjienike për të pastruar enët tuaja, sipas studiuesve në Norvegji.

“Salmonella dhe bakteret e tjera rriten dhe mbijetojnë më mirë në sfungjer sesa në furça dhe kjo është arsyeja se pse sfungjerët në përdorim të përditshëm nuk thahen kurrë”, tha Trond Moreto, një shkencëtar kërkimor në Nofima, një institut norvegjez i kërkimit ushqimor, shkruan CNN, transmeton portal arbresh.info

“Një sfungjer mund të strehojë më shumë bakterie sesa ka njerëz në Tokë”, tha ai, njëherit edhe autor i studimit.

“Sfungjeri është i lagësht dhe grumbullon mbetje ushqimore të cilat janë gjithashtu ushqim për bakteret, duke çuar në rritjen e shpejtë të baktereve”, shtoi ai.

Ajo që i habiti më shumë studiuesit në lidhje me gjetjet e tyre ishte se nuk kishte shumë rëndësi se si njerëzit pastronin sfungjerin e tyre apo sa shpesh.

“Se mënyra se si konsumatorët i përdornin sfungjerët e tyre nuk kishte shumë rëndësi në lidhje me rritjen e baktereve. Është shumë e vështirë për konsumatorët të shmangin rritjen e baktereve në sfungjer për sa kohë që sfungjerët nuk zëvendësohen çdo ditë”, shtoi ai.

Hulumtimi mbi sfungjerët dhe furçat e përdorura bazohet në një studim të bazuar në laborator të publikuar vitin e kaluar nga i njëjti ekip studiuesish, i cili zbuloi se bakteret e dëmshme mbijetojnë më mirë në sfungjer sesa në furça./arbresh.info/