Presidentja e vendit  Vjosa Osmani ka komentuar vendimin e institucioneve të Kosovës për të mos lejuar mbajtjen e zgjedhjeve të 3 prillit në territorin e Kosovës.

Osmani shkruan, Kosova i ka paraqitur tri opsione para Serbisë lidhur me mbajtjen e këtyre zgjedhjeve, por që kjo e fundit nuk i ka pranuar.

“Është për fat të keq të Serbisë dhe gjithë rajonit që nuk ka një ndryshim pozitiv në kontekst të mentalitetit që udhëheq Serbia. Po vazhdon një mentalitet i viteve 90-ta ku Serbia vazhdon t’i shoh shtetet e tjera në rajon në veçanti Kosovën, Malin e Zi e Bosnje dhe Hercegovinën si shtete të përkohshme”.

“Po besoj që tashmë e kanë të qartë që këto shtete janë të përhershme dhe pavarësisht rolit destabilizues që Serbia si satelit i Rusisë e luan në rajonin tonë, askush nuk e ka ndërmend që të heqë dorë nga e drejta jonë për të ekzistuar si vend i lirë, sovran dhe i pavarur”, është shprehur Osmani para mediave./arbresh.info/