Persona të armatosur kanë sulmuar konvojin e kryeministrit të Libisë, Abdulhamid Dbeibah në Tripoli.

Siç raporton Al Jazeera, sulmi ka ndodhur në orët e para të mëngjesit të mërkurës, derisa kryeministri po kthehej në shtëpi, transmeton Telegrafi.

Një plumb ka përshkuar dritaren e veturës brenda të cilës gjendej kryeministri, ku për fat të mirë ai dhe shoferi kanë shpëtuar pa lëndime.

Autoritet përkatëse kanë filluar hetimet. E për sulmin ka raportuar edhe Reuters, që theksoi se një burim i afërt me kryeministrin incidentin e ka cilësuar si tentimvrasje.

Raportohet se plumbat janë shkrepur nga afërsia, që sipas ekspertëve të sigurisë ishin plumba të pushkës automatike kallashnikov.

E nëse konfirmohet tentimvrasja, kriza mbi kontrollin e Libisë do të mund të përkeqësohej më shumë, shkruan Reuters.