Zëdhënësi i Pentagonit, John Kirby, dha më shumë detaje në lidhje me operacionin në të cilin u vra lideri i grupit terrorist DAESH në Sirinë veriperëndimore, raporton Anadolu Agency.

Një operacion gjatë natës nga forcat speciale amerikane në një ndërtesë në veri të Idbilit çoi në vdekjen e Ibrahim al-Hashimi al-Qurayshi-t, i njohur gjithashtu Hajji Abdullah.

Al-Qurayshi hodhi veten në erë në katin e tretë të ndërtesës, duke vrarë gruan dhe dy fëmijët e tij. Trupi i tij u identifikua përmes gjurmëve të gishtërinjve dhe analizës së ADN-së në vend, tha Kirby.

Ndihmësi i Al-Qurayshi-t dhe gruaja e ndihmësit u përfshinë në të shtëna me forcat amerikane nga kati i dytë dhe u vranë gjithashtu.

Forcat amerikane evakuuan dhjetë persona nga kati i parë, të cilët Kirby tha se ishin një mashkull dhe femër të rritur dhe katër fëmijë, dhe më pas katër fëmijë nga kati i dytë.

Katër civilë, duke përfshirë tre fëmijë, u vranë gjatë operacionit, tha ai.

I pyetur nga AA nëse ata që u evakuuan janë nën arrest, Kirby tha se nuk ka asnjë person nën arrestin e SHBA-së si rezultat i operacionit.

Përveç kësaj, Kirby tha se një grup i vogël individësh iu afruan kompleksit gjatë misionit, duke shtuar se “ata u konsideruan në mënyrë të përshtatshme si armiqësorë dhe u përfshinë, dhe ne e dimë se në atë përfshirje, dy prej tyre u vranë”.

Ai tha se operacioni ishte një mision i planifikuar prej muajsh.

YPG, dega siriane e organizatës terroriste PKK, ka ndihmuar në operacionin që u krye nga forcat amerikane, sipas zëdhënësit.

Të paktën 13 persona, përfshirë gjashtë fëmijë dhe katër gra, u vranë gjatë operacionit të forcave speciale, thanë njësitë e mbrojtjes civile.

Burimet thanë për AA se një nga banorët e shtëpisë u mor nga forcat amerikane.

Al-Qurayshi u emërua lider i ri i DEASH-it në vitin 2019 pasi SHBA-ja vrau Abu Bakr al-Baghdadi-n në fillim të atij viti.