Pavarësisht rritjes së kërkesave për crossover dhe SUV, në kompaninë suedeze Volvo, nuk e kanë ndërmend të heq dorë nga prodhimi i limuzinave dhe karavanëve të tyre.

Volvo qëndron në mesin e atyre kompanive që përveç modeleve të njohura crossover dhe SUV, blerësve të saj akoma do t’ju ofroj modelet limuzinë dhe karavanë.

Më herët ishte paralajmëruar që modelet aktuale S/V60 dhe S/V90 së shpejti do të zëvendësohen me gjeneratën e re, e menaxhmenti i kompanisë suedeze zbuloi që modelet e reja do të kenë ndryshime të dukshme në karroceri, dhe sipas tyre do të jenë më tërheqës për blerësit potencial që nuk janë për blerjen e crossover dhe SUV.

Në të njëjtën kohë, Volvo do të zgjeroj ofertën e modeleve ekzistuese XC, dhe do të rrit dukshëm prodhimin e modeleve elektrike deri më 2025, duke bërë që 50 për qind e prodhimeve të tyre të jenë elektrike.