E do tradita, këto ushqime duhen konsumuar mbrëmjen e Vitit të Ri për para dhe mbarësi

09:39 | 31 Dhjetor 2021
F.T

31-dhjetori erdhi dhe pritet që kjo festë të kulmojë në mbrëmje me një tryezë mbushur plot e përlot me ushqime. Zakonisht në tavolinat shqiptare, nuk mungon gjeli ose pula e detit, sallata ruse, mishi i qengjit, qoftet, bakllavaja ose kadaifi.

Por a e dini se ka edhe disa ushqime të tjera specifike që duhen konsumuar për t’ju sjellë fat?

Më poshtë renditen disa prej tyre. Mbetet më pas në dëshirën tuaj nëse doni t’i konsumoni apo jo, mbrëmjen e Vitit të Ri.

Fasulet-Simbolizojnë paratë;

Rrushi-Duhen konsumuar 12 kokrra rrush, nga 1 për çdo muaj të vitit të ri që na pret;

Keku në formë unaze-Simbolizon ciklin perfekt;

Peshku– Simbolizon progres;

Shega– Simbolizon mbarësi dhe prosperitet;

Spinaqi– Ngjyra jeshile tek gjethet e spinaqit simbolizon paratë.