Lëndohet sërish talenti i Barcelonës, shtyhet rikthimi i tij në fushë

22:00 | 19 Nëntor 2021
Lorik Gerbeshi

Nuk ka paqe në këtë sezon për një nga talentët më të mëdhenjë të “EURO 2020”.

Bëhet fjalë për mesfushorin e Barcelonës, Pedri i cili vazhdon të pësoj lëndime të njëpasnjëshme.

Mesfushori i Barçës, i cili shkëlqeu me Spanjën në Evropianin e verës së shkaur, po qëndron në bokse që prej 15 shtatorit dhe rikthimi i tij në fushë do të shtyhet edhe për një tjetër muaj.

E shkak i kësaj është lëndimi që ka pësuar 18-vjeçari në këmbën e majtë në momentin që po rikuperohej nga dëmtimi i mëparshëm.

Pedri konsiderohet si shumë i rëndësishëm për Barcelonën dhe trajneri i ri, Xavi beson shumë tek aftësitë e mesfushorit spanjoll i cili do të rikthehet në dispozicion të Barcelonës vetëm pak ditë para Krishtlindjeve, ndërkohë që në këtë sezon është aktivizuar në vetëm 2 ndeshje me Barçën në La Liga./Arbresh.info