UEFA ka ndalur të gjitha procedurat kundër Real Madridit, Barcelonës dhe Juventusit, që krijuan Superligën Evropiane dhe nuk hoqen dorë në dallim me nëntë klubet e tjera që pranuan kushtet e UEFA-së, kështu raporton gazeta italiane “Tuttosport”.

Ata gjithashtu mund të përfitojnë, ngase një urdhër i Gjykatës Tregtare të Madridit, i kërkoi UEFA-së të anulonte dënimet që ishin negociuar nga nëntë klubet e larguara (Manchester City, United, Chelsea, Liverpool, Arsenal, Tottenham, Inter, Milan dhe Atletico) duke përfshirë gjobë të barabartë me 5 për qind të të ardhurave të Ligës së Kampionëve apo Ligës së Evropës, transmeton lajmi.net.

Ajo që vërtetohet nga lirimi është që nuk ka pasur asnjë hetim për Realin, Juven dhe Barcelonën.

Procedurat disiplinore ishin pezulluar dhe me kërkesë të Gjykatës së Madridit janë mbyllur përfundimisht.

Nëse presidenti i UEFA-së, Aleksander Ceferin do vazhdonte procedurat, do kishte rrezikuar të ndiqej penalisht për krimin e mosbindjes ndaj autoritetit gjyqësor.

Pos kësaj, UEFA do kishte rrezikuar edhe ndëshkime nga ana financiare.

Në këtë pikë situata mbetet e komplikuar. Të tre klubet që mbesin ën Superligë kanë nisur propozim dialogu për UEFA-në, që deri më tani është refuzuar dhe deklaratat e Ceferin ishin shumë agresive, sidomos ndaj Agnellit.

Në sfond, ndërkohë, është duke luftuar betejën me FIFA-në që të mos zhvillohet Kupa e Botës çdo dy vite.

L’ #Uefa si arrende: cancellati i procedimenti contro #Juve , #Barcellona e #Real ⬇️ https://t.co/noeg28ZDCU

— Tuttosport (@tuttosport) September 27, 2021