Albin Kurti: Boikeni as nuk shitet, as nuk blihet

23:41 | 3 Mars 2021
Gita

Kreu i Lëvizjes Vetëvendosje, Albin Kurti thotë se do ta mbështes kandidatin Boiken Abazi për deputet në Kuvendin e Shqipërisë.

Ai shkruan se Boiken Abazi as nuk shitet e as nuk blihet.

“Politika nuk përparon pa u thënë e vërteta. E vërteta për Tiranën do të thuhet nga deputeti Boiken Abazi. Boikenin e njoh prej më se 15 vitesh dhe bashkëpunoj me të. Ai është i ndershëm e i qëndrueshëm, i arsimuar mirë dhe studioz, i matur dhe i guximshëm. Prandaj, do ta mbështesim Boikenin dhe do ta çojmë në Kuvendin e Shqipërisë, që ta nisim ndryshimin”, ka shkruar Kurti.

Theksojmë se Lëvizja Vetëvendosje ka fituar zgjedhjet parlamentare në Kosovë, ndërkaq rezultatet përfundimtare të zgjedhjeve do të shpallen ditën e nesërme./arbresh.info/