Haradinaj-Stublla:12 vite janë pak për këta lloj mostrash gjenocidalë

15:09 | 11 Shkurt 2021
S D

Ministrja e Punëve të Jashtme dhe Diasporës, Meliza Haradinaj-Stublla, ka reaguar ndaj dënimit të Zoran Gjokiq.

Haradinaj-Stuballa ka shkruar se dënimi i një personi të vetëm është pak për tmerret që i kanë shkaktuar popullit të Kosovës,transmeton Arbresh.info.

Postimi i plotë:

Kosova e pavarur e ka marrë drejtësinë në duart e veta, dhe sot e provoi duke dënuar më në fund të tmerrshmin e ‘Kristalit’ në Pejë, Zoran Gjokiq-in.

E megjithatë ky dënim vjen vonë, edhe vjen i cunguar. 12 vite janë pak për këta lloj mostrash gjenocidalë. Dënimi i një personi të vetëm është pak, për të mos thënë asgjë, për tmerret që i kanë shkaktuar popullit të Kosovës.

Drejtësia duhet të vijë e plotë; kjo nuk është aspak një fitore, është një moment thirrjeje për të vënë drejtësinë e munguar në vend. Kosova kërkon drejtësi ndaj veprave makabre të secilit Gjokiq e çifteve të tij.

Koha ka ardhur për drejtësi të plotë dhe përfundimtare për luftën e Kosovës!