Opinionistja Jehona Lushaku, po thotë se Partia Demokratike e Kosovës, po tenton të shfrytëzojë momentin e mungesës së ish-liderëve të saj të cilët gjenden në Hagë në Gjykatën Speciale.

Ndërkohë Lushaku potencon në Rubikon që PDK në këto palë zgjedhje ka bërë përpjekje për të anëtarësuar të rinjë të cilët i ka nxjerrë nga strukturat e saj, njofton Klan Kosova.

”PDK është munduar të marrë disa aderime të reja dhe të bëjë dallimin nga herat e kaluara”.

”Po mundohet me nënvizu faktin që lideri nuk është, dhe me e shfrytëzu ndoshta këtë sendimentin e viktimës për shkak se nuk janë këtu liderët e saj as Kadri Veselin e por as Hashim Thaçi si ish-lider i PDK-së”.

”Ndoshta për ta shfrytëzuar momentumin sikurse AAK njëfar kohe kur nuk e kishte liderin e saj dhe kishte shënuar një lloj rritje”.

”Por, në ndërkohë shohim shumë kandidatë të rinjë që kanë nxjerrë nga strukturat, ka bërë disa përpjekje për t’i anëtarësuar disa të rinjë, që kanë qenë kryesisht figura, publike apo aktive në profesionet e tyre por që nuk është se ka bërë ndonjë reformë sa i përket emrave”.