Shfaqja e një lloji të ri të koronavirusit në Angli ka shkaktuar shqetësim dhe shkencëtarët dhe studiuesit e mjekësisë po punojnë vazhdimisht për të përcaktuar burimin e variantit të ri.

Një variant i ri i koronavirusit i quajtur “VUI 202012/01” përfshin një mutacion gjenetik të proteinës “thumb” që mund të jetë shkaku i përhapjes së shpejtë.

Përveç tri simptomave më të zakonshme të COVID-19 – ethe, kollë e thatë dhe humbje e nuhatjes dhe shijes, janë identifikuar shtatë simptoma të tjera që mund të shoqërohen me variantin e ri të koronavirusit, përkatësisht: lodhje, humbje e oreksit, dhimbje koke, diarre, konfuzion mendor, dhimbje të muskujve, skuqje, transmeton Lajmi.net.

Sipas një studiuesi nga Kolegji Mbretëror në Londër, “nëse zhvilloni ndonjë simptomë që mund të tregojë COVID-19, si ju ashtu edhe anëtarët e familjes suaj duhet të izoloheni dhe të testoheni sa më shpejt të jetë e mundur”, raporton Times of India.

Për shkak të një lloji të ri të koronavirusit, Britania e Madhe ka futur kufizime të reja për të frenuar përhapjen e virusit dhe disa vende evropiane kanë mbyllur kufijtë e tyre me Britaninë e Madhe. Por, për të mbrojtur veten, është e nevojshme t’i përmbaheni masave të përshkruara deri më tani, të tilla si mbajtja e një maske, distanca shoqërore dhe larja e duarve rregullisht.