Këshilli i Sigurimit i Kombeve të Bashkuara do të shqyrtojë sot raportin gjashtëmujor mbi punën e Misionit të KB në Kosovë (UNMIK).
Ministri i Punëve të Jashtme të Serbisë, Ivica Daçiq, do të marrë pjesë përmes një video-lidhje në seancën e Këshillit të Sigurimit që mbahet në orën 16:00, njoftoi Ministria e Punëve të Jashtme të Serbisë.
Në një raport të publikuar në faqen e internetit të OKB-së, sekretari i përgjithshëm, Antonio Guterres përshëndeti rifillimin e dialogut të ndërmjetësuar nga BE midis Prishtinës dhe Beogradit, pas një pauze të gjatë dhe u bëri thirrje të dy palëve të tregonin fleksibilitet dhe kreativitet në përpjekjet për të kapërcyer dallimet.
Guterres mirëpriti angazhimin e udhëheqjes së Kosovës për të luftuar pandeminë, avancimin e dialogut me Beogradin dhe integrimin evropian dhe i bëri thirrje qeverisë së re të Kosovës që të vazhdojë të forcojë sundimin e ligjit, të mbështesë proceset e përgjegjësisë për shkeljet serioze të të drejtave të njeriut dhe të marrë hapa vendimtar për të luftuar korrupsionin dhe pandëshkueshmërinë, raporton Beta, transmeton Klan Kosova.
Shefi i KB-sëu bëri thirrje institucioneve të Kosovës dhe akterëve ndërkombëtarë të sigurojnë mbështetje dhe bashkëpunim të plotë në përpjekjet e Gjykatës Speciale pasi kjo është “thelbësore për të ardhmen paqësore të Kosovës”.
Raporti përfshin periudhën nga 16 marsi deri më 15 shtator 2020.
Çfarë të bëni nëse zgjoheni natën dhe nuk mund të flini përs...
Të ecësh zbathur, si terapi natyrale
Kroos zgjedh fituesin në fuqi të Topit të Artë pasardhësin e...
Beqiri: Fitore e rëndësishme por është vetëm gjysma e rrugës...
Trump publikoi videon e krijuar me inteligjencë artificiale ...
Youtube ‘shfaros’ mbi 30 mijë kanale të propagandës ruse dhe...