Kryetari i Aleancës Kosova e Re, Behgjet Pacolli, ka kërkuar nga Prokuroria e Kosovës dhe bashkësisë ndërkombëtare të ndërmarrin veprime dhe të sjellin para drejtësisë autorët e krimit kundër Ukshin Hotit dhe mijëra krimeve të tjera gjatë luftës në Kosovë.

Ai tutje përmes një shkrimi në facebook thotë se bashkësia ndërkombëtare duhet të detyrojë Beogradin të ndërmarrë veprime dhe të merret me të kaluarën, ndryshe sipas tij, rrezikohet një rishkrim i historisë së Kosovës, shkruan arbresh.info.

Postimi tij i plotë:

Dokumentet e publikuara nga RTK për fatin e Prof. Ukshin Hotit janë të tmerrshme dhe tregojnë një krim të orkestruar nga Beogradi. Prokuroria e Kosovës dhe bashkësisë ndërkombëtare të ndërmarrin veprime dhe të sjellin para drejtësisë autorët e krimit të kryer kundër Ukshin Hotit dhe mijëra krimeve të tjera.

Mos-ndëshkueshmeria ndaj Serbisë duhet të përfundojë por edhe sistemi jonë i drejtësisë duhet të dalë nga gjumi dimëror për të sjellë para drejtësisë kriminelët e luftës.
Para një viti ne i sollem mijëra faqe dëshmi dhe prova për krimet serbe, Prokurorisë speciale, dhe shpresojmë që çdo faqe të mirret në konsideratë.
Nga ana tjetër Bashkësia ndërkombëtare duhet ta detyrojë Beogradin të ndërmarrë veprime dhe të merret me të kaluarën, përndryshe rrezikojmë një rishkrim të historisë së Kosovës./arbresh.info