Kryetari i AAK-së, Ramush Hardadinaj ka kujtuar veprimtarin dhe ish-kryetarin e PDSH-së në Maqedoninë e Veriut, Arbën Xhaferi.

Haradinaj përmes një shkrimi në facebook ka thënë se Xhaferi dhe vizioni i tij mbesin të paharruar dhe se personaliteti i tij i ngjan një rilindasi, shkruan arbresh.info.

Kryetari i AAK-së tutje tha se xhaferi gjithmonë do të mbetet në kujtesën tonë.

Postimi i tij i plotë:

Kujtojmë sot veprimtarin e dalluar të çështjes shqiptare në Maqedoninë e Veriut e më gjerë, politikanin dhe udhëheqësin, Arbën Xhaferi.
Xhaferi dhe vizioni i tij, mbesin të paharruar, e personaliteti i tij i ngjan një rilindasi. Si i tillë jetoi, punoi dhe u nda nga kjo botë.
Në çdo moment të jetës, ai diti të ruaj standardin e vet, përmes guximit dhe dijes.
Në këtë përvjetor të vdekjes së tij, ndihemi sa krenarë aq edhe të pikëlluar, që ai nuk është me ne.
Gjithmonë në kujtesën tonë, Arbën Xhaferi!/arbresh.info