Zyra e Bashkimit Evropian në Kosovë i ka dhuruar Ministrisë së Shëndetësisë edhe respiratorë që do të shërbejnë në betejën e Kosovës me Covid-19.

I pranishëm në dorëzim ishte Riccardo Sarri, ushtrues detyre i shefit të Zyrës së BE-së në Kosovë, ministri i shëndetësisë Armend Zemaj si dhe u.d i drejtorit të QKUK-së, Valbon Krasniqi, shkruan portali arbresh.info.

Ministri Zemaj ka falënderuar Zyrën e BE-së për ndihmën me respiratorë të cilët do të ndihmojnë në shpëtimin e jetëve të të prekurve me Covid-19.

“Faleminderit për angazhimin shtesë dhe ndihmën e vazhdueshme që po e bëni për qytetarët e Republikës së Kosovës në këto kohë të vështira që po kalojmë gjithë globi.

“Ky kontingjenti i ventilatorëve do të na ndihmojë shumë në organizimin të cilin po e bëjmë me SHSKUK-së në ndarjen e përgjegjësive për të ndihmuar çdo qytetar që po përballet me Covid-19”, tha Zemaj.

Në kontingjentin e ndihmave përveç respiratorëve janë përfshirë edhe Oksimetrat e pulsit si dhe makina të elektrokardiografisë (EKG) që do të ndihmojnë sistemin shëndetësor të Kosovës./arbresh.info/