Pas deklaratave të kreut të AAK-së, Ramush Haradinaj, ndaj kryeministrit Avdullah Hoti lidhur me qasjen në dialog me lënien jashtë takimit të Brukselit të ministrit Selim Selimi dhe emërimin e Skender Hysenit në postin e koordinatorit për dialog pa u konsultuar me partnerin e koalicionit, sot në seancën e Kuvendit, masat e Qeverisë për punën e gastronomisë i ka kundërshtuar edhe zëvendëskryeministri Besnik Tahiri.

Zëvendëskryeministri Besnik Tahiri ka thënë se i ka shkruar shkresë zyrtare ministrit të Shëndetësisë, ministrit të Tregtisë dhe kryeministrit për hapjen e gastronomisë sipas kërkesave të komunitetit të turizmit dhe hotelerisë me të cilët ka pasur takim pardje.

“Më 21 korrik kam takuar odën e hotelerisë dhe turizmit dhe kam nisur shkresë tek Ministri i Shëndetësisë dhe kryeministri me kërkesën për rishikimin e punës së gastronomisë. Çka dallon dy orë mos me punu, me punu deri në ora 21:00 dhe jo deri në orën 23:00. A ka një institut që mundet me jep një vlerësim në ato dy orë cila është e dhëna empirike që rritet infeksioni në këtë temë”./arbresh.info/

https://www.facebook.com/arbresh.info/videos/888945274922204/