Kryetari i VV’së, Albin Kurti, ka kritikuar mbajtjen e zgjedhjeve parlamentare të Serbisë në Kosovë. Ai ka thënë se është i papranueshëm fakti që zgjedhjet lokale në dy komuna janë anuluar që disa muaj ndërkohë që ato parlamentare serbe po lejohen të mbahen.

OSBE po monitoron mbarëvajtjen e votimit nëpër komunat me shumicë serbe në Kosovë. Ndërkohë zgjedhjet e parakohshme në komunat e Podujevës dhe të Mitrovicës së Veriut janë anuluar për një afat të pacaktuar për shkak të situatës pandemike.

“Lejimi i zgjedhjeve serbe në Kosovë ndërkohë që zgjedhjet lokale në dy komuna janë anuluar që disa muaj për shkak të Covid-19 është i papranueshëm”, ka shkruar Kurti në Twitter.

“Qytetarët nuk do të qëndrojnë duarkryq ndërkohë që Presidenti dhe Qeveria e tij e paligjshme kërcënojnë demokracinë tonë dhe shkelin sovranitetin e vendit”, ka shtuar ai.

Allowing Serbian elections in #Kosova while local elections in two municipalities are cancelled for months due to #Covid19 is unacceptable. Citizens will not stand idly by while this President & this illegitimate gov. threaten our democracy & violate our country’s sovereignty.

— Albin Kurti (@albinkurti) June 21, 2020