Presidenti i Republikës së Kosovës, Hashim Thaçi, e cilëson ish-ambasadorin e  OSBE-së në Kosovë, William Walker, si hero i të vërtetës për krimet serbe në Kosovë.

Kështu u shpreh Thaçi përmes një postimi në faqen e tij në Facebook, pas takimit që pati me Walker.

Sipas tij, ambasadori Walker e ngriti krimin në Reçak në rang të ndërgjegjes botërore, deri në intervenimin e NATO-s mbi caqet policore dhe ushtarake serbe.

Po ashtu, Thaçi bëri të ditur se gjatë këtij takimi është biseduar edhe për domosdoshmërinë e krijimit sa më të shpejt të institucioneve shtetërore./arbresh.info

Postimi i plotë:

Në këtë të diel, me ambasadorin William Walker evokuam kujtime nga periudha e luftës së Ushtrisë Çlirimtare të Kosovës.

Heroi i të vërtetës për krimet serbe në Kosovë, ambasadori Walker e ngriti krimin në Reçak në rang të ndërgjegjes botërore.

Pas Reçakut, diplomacia botërore u angazhua maksimalisht deri në intervenimin ushtarak të NATO-s mbi caqet policore dhe ushtarake serbe.

Gjatë këtij takimi me ambasadorin Walker u theksua edhe domosdoshmëria e krijimit sa më të shpejtë të institucioneve të Republikës së Kosovës.

Mikun e madh të Kosovës e falënderova edhe një herë për gjithçka që ka bërë për Kosovën. HTH