Ad Banner
Ad Banner
Ad Banner
Ad Banner

Komisioneri Oliver Varhelyi nesër në Shkup

21:18 | 14 Janar 2020
Arbresh.info

Komisioneri Evropian për Zgjerim, Oliver Varhelyi nesër do të jetë për vizitën e tij të parë zyrtare në vendin tonë.

Sipas delegacionit të Komisionit Evropian në Shkup, Varhelyi do të takohet me Presidentin Stevo Pendarovski, Kryeministrin Oliver Spasovski dhe Kryetarin e Kuvendit Talat Xhaferi.

Ai gjithashtu do të takohet me kryetarin e LSDM-së Zoran Zaev dhe liderin e OBRM-PDUKM-së Hristijan Mickoski.

Vizita e Komisionerit Varhelyi në rajon do të vazhdojë në Shqipëri ditën tjetër.

Në takimet me shumë mundësi do të diskutojnë për metodologjinë e re të zgjerimit të propozuar nga Franca dhe rrjedhën e reformave në vend, veçanërisht miratimin e ligjit për Prokurorinë Publike.

Komisioni Evropian do të publikojë mini-raport për Maqedoninë e Veriut dhe Shqipërinë në shkurt, ndërsa metodologjia e re, sipas njoftimeve, pritet të miratohet në mars./telegrafi

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm