Në përvjetorin e katërt të themelimit të institucioneve të arbitrazhit në Republikën e Kosovës, Qendra për Zgjidhjen Alternative të Kontesteve e Odës Ekonomike Amerikane në Kosovë organizon javën e arbitrazhit e cila do të zgjasë deri më 16 tetor dhe do të përfshijë aktivitete që kanë për synim promovimin e mëtejmë të përparësive që ofrojnë arbitrazhi dhe ndërmjetësimi si mjete më efikase të zgjidhjes së kontesteve komerciale.

Me këtë rast, Oda Amerikane sot do të organizojë një tryezë mbi rëndësinë e arbitrazhit për bizneset e Komunës së Gjilanit, nesër do të organizojë një webinar (seminar përmes internetit) për gratë arbitre me Beata Gessel-Kalinowska vel Kalisz, eksperte polake e arbitrazhit dhe e së drejtës komerciale, si dhe më 16 tetor do të organizojë një diskutim të hapur me studentët e Universitetit Universum.

Ngjarja kryesore në kuadër të javës së arbitrazhit do të jetë konferenca “Arbitrazhi në Evropën Juglindore: Rasti i Kosovës” e cila organizohet më 15 tetor në bashkëpunim me Forumin e Arbitrave të Rinj (YAF) të Dhomës Ndërkombëtare të Tregtisë (ICC) me seli në Paris, njoftoi OAEK.

Arbitrazhi është mekanizëm më efikas i zgjidhjes së kontesteve të natyrës komerciale dhe si i tillë ofron përparësi të jashtëzakonshme për ndërmarrjet private duke e pasur parasysh mosefikasit etin e punës së gjykatave përkatëse, thuhet në komunikatën e OEAK.