Presidenti Stevo Pendarovski sot bëri një vizitë pune në Agjencinë e Inteligjencës së Republikës së Maqedonisë së Veriut.

Gjatë vizitës, Pendarovski u njoftua me aktivitetet në vazhdim dhe të planifikuar nën autoritetin e Agjencisë, me qëllim mbledhjen, analizimin dhe përpunimin e inteligjencës që janë të rëndësishme për sigurinë e mbrojtjes, politikës, ekonomisë dhe interesat e tjera të Republikës së Maqedonisë së Veriut.

Presidenti, siç thuhet në deklaratë, u informua me kontributin e Agjencisë së inteligjencës në përmbushjen e qëllimeve strategjike të anëtarësimit të Maqedonisë së Veriut në NATO dhe BE, me theks në bashkëpunimin ndërkombëtar të Agjencisë me shërbimet partnere. Bashkëpunimi ndërinstitucional gjithashtu u diskutua në takimin me menaxhmentin si pjesë e rëndësishme e koordinimit të veprimtarive të institucioneve të lidhura me Agjencinë e Inteligjencës.

Pendarovski u informua gjithashtu edhe për veprimtaritë e Agjencisë për reformën e brendshme dhe miratimin e ligjit të ri , me qëllim të ngritjes së shërbimit modern dhe efikas, në pajtim me rekomandimet, kriteret dhe mbështetjen e NATO-së./Telegrafi/