Instituti Demokratik i Kosovës, ka publikuar një inforgrafikë, në përmes së cilës, pasqyrohet rënia e disa prej deputetëve që ndër vite ishin pjesë e Kuvendit të Kosovës.

Rënien më të madhe të votave, krahasuar me zgjedhjet e vitit 2017, e kishin pasur Avdullah Hoti dhe Driton Selmanaj nga LDK, Donika Kadaj – Bujupi që garoi në këto zgjedhje si pjesë e AAK-së, Teuta Haxhiu dhe Memli Krasniqi.

Po ashtu, aty janë shfaqur edhe personat që për herë të parë u futën në garë zgjedhore dhe shënuan rezultate të mëdha.

Uran Ismaili dhe Ferat Shala nga PDK, Arben Vitia dhe Hekuran Murati nga LVV, dhe Besian Mustafa nga LDK, janë disa nga politikanët që për herë të parë hynë në garë për deputet, duke i siguruar votat e mjaftueshme për një gjë të tillë.

Kurse, rritjen më të madhe të votave në zgjedhjet e vitit 2019, krahasuar me ato të vitit 2017, e kanë shënuar, Vjosa Osmani, Albin Kurti, Albulena Haxhiu, Glauk Konjufca dhe Kujtim Shala.