Federata e Futbollit të Zvicrës ka reaguar duke i dhënë mbështetje të plotë kapitenit Granit Xhaka pas frustrimit të madh ndaj tifozëve të Arsenalit të dielën.

Xhaka reagoi me ashpërsi ndaj disa tifozëve gjatë zëvendësimit në barazimin 2 me 2 të së dielës ndaj Crystal Palaces, transmeton portali arbresh.info. Ai iu përgjigj atyre duke vendosur dorën në vesh ndaj turmës dhe duke iu thënë atyre “q*** të gjithë” para se të largohej nga fusha”.

Kjo ka ngjallur spekulime se do t’i hiqet shiriti i kapitenit, por Federata e Futbollit të Zvicrës ka zbuluar të martë se ata kanë qenë “në kontakt me Granitin” dhe insiston se “qëndrimi i tij nuk ndryshon” si kapiten i vendit të tyre.

“Ne jemi në kontakt me Granitin. Ne i vlerësojmë cilësitë dhe rëndësinë që ai posedon për skuadrën kombëtare. Si rezultat, qëndrimi i tij nuk do të ndryshojë”

Xhaka ka bërë 78 paraqitje te skuadra kryesore e Zvicrës dhe së fundmi ka drejtuar në rolin e kapitenit kombëtaren e tij në fitoren 2 me 0 ndaj Republikës së Irlandës./arbresh.info/