Pse po ndodhi vrasje të vazhdueshme në Kosovë? – Parashkimi i avokatit Koci!

20:04 | 6 Shtator 2019
A Z

Kur shteti nuk ofron siguri, rend dhe mbrojte juridike, individët e marrin drejtësinë në duar. Njerëzit fillojnë t’i zgjedhin problemet me Kanun apo edhe me ligjin e të “fortit”, kështu ka deklaruar në një intervistë për “Indeksonlie”, avokati Arianit Koci.

Sipas tij, kjo edhe është arsyeja që numri i veprave të rënda penale , është në rritje.

“Një është e sigurt: kemi një degradim në aspektin e sigurisë, kohëve të fudit. Në anën tjetër, e kemi një situatë paradoksale: shumë veprave penale, po zbardhën nga ana e organeve të sigurisë”, është shprehur ai.

Më tej, Koci tha se vendi i duhet një mobilizim i pëgjithshëm nga gjithë shoqëria që kjo situatë të normalizohet.

“Natyrisht, përgjegjēsit kryesor janë policia dhe organët e tjera, si prokuroria dhe gjykatat. Por, në një masë të konsiderueshme, edhe vet ne qytetarët mund t’i ndihmojmë të njejtat, dhe madje edhe t’i parandalojnë veprat penale, me ngritje të vetëdijës qytetare dhe besimit në organet shtetërore”, është shprehur avokati Koci.

Sipas tij, barra kryesore bie mbi policinë, prokurorinë dhe gjykatat. Ka jo profesionalizëm dhe neglizhencë në organet e sigurisë. Shumë madje.

“Personat jokompetent po ia qesin hijen e keqe edhe individëve që janë të aftësuar dhe profesional. Në anën tjetër, të gjitha strukturat e sigurisë janë të ngarkuara me punë, dhe tani më është e qartë, jo domosdoshmërish me rritjen e numrit të policëve dhe prokurorëve e gjyqtarëve, situata përmirësohet.

Na duhen individ të aftë, profesional dhe të ndershëm. Kam përshtypje se më shumë i është kushtuar kuantitetit se sa kualitetit. Kjo edhe është arsyeja se pse, përkundër faktit që është rritur numri i policëve, prokurorëve dhe gjyqtarëve, gjendja e sigurisë ka degraduar”, ka thënë Koci.