Granit Xhaka, 100 ndeshje në Premierligë

15:30 | 11 Gusht 2019
A Z

Xhaka po luan ndeshjen e 100 në Premielrigë me Arsenalin, Aubameyang sfidën e 50.

Ndeshja mes Arsenalit dhe Newcastle që po zhvillohet në stadiumin “St James’ Park”, është e veçantë për shqiptarin, Granit Xhaka.

Ai po luan ndeshjen e 100 në Premierligë që kur u transferua te “Topçinjtë” në verën e vitit 2016 për afër 40 milionë euro nga Borussia Mönchengladbach.

Në këto 100 ndeshje në Premierligë, Xhaka ka realizuar shtatë gola.

Në total, ai ka bërë 135 paraqitje me “Topçinjtë” dhe ka shënuar 11 gola.

Sezoni i ri do të jetë edhe më i veçantë për 26-vjeçarin shqiptar, pasi do të mbajë në krah shiritin e kapitenit, ashtu siç po e mban në sfidën e parë për sezonin 2019/20 që aktualisht Arsenali po e zhvillon me Newcastle.

Ndeshja me Newcastle është e veçantë edhe për Aubameyangun. Ai po zhvillon ndeshjen e 50 në Premierligë me Arsenalin. /Gazeta Express/