Shoqata “Miqtë e Amerikës” në bashkëpunim me Gradën Ceremoniale të FSK-së e kanë ngritur flamurin amerikan në bulevardin “Bill Clinton” në Prishtinë.

Edhe këtë vit kosovarët kanë nderuar vendin e tyre mik, siç është bërë edhe traditë në Kosovë, për nderë të 4 korrikut, pavarësisë së SHBA-ve.

Agim Rexhepi kryetar i shoqates “Miqt e Amerikës” uroi popullin amerikan për festën e pavarësisë, duke i falënderuar si çdo herë për kontributet e tyre në Kosovë, shkruan arbresh.info.

“Populli i Kosovës për nderë të pavarësisë së ShBA-së, edhe  këtë vit kemi bëre nderë. Siç bëjmë çdo vit, bëmë ngritjen e flamurit amerikan. I treguam popullit amerikan që nuk harruam të mirat e atij shteti. Zoti e bekoftë Amerikën”, deklaroi Rexhepi pas ceremonisë.

Ndërsa, Harjrush Kurtaj, drejtor i Departamentit Civilo Ushtarak në FSK uroi popullin kosovarë dhe atë amerikanë për këtë festë, siç e quajti ai, të përbashkët.

“Uroj festën e Pavariësisë së Amerikës edhe shqiptarëve të Amerikës, këtë festë e kemi të përbashkët. Zoti e bekoftë popullin shqiptarë dhe amerikanë”, deklaroi Kurtaj.

Më 4 korrik të vitit 1776, delegatët e 13 kolonive britanike të Amerikës nënshkruan Deklaratën e Pavarësisë, e cila thuhet se ishte shkak i revolucionit Amerikan./arbresh.info/(FOTO: Ruzhdi Pacolli)