Deputeti i Kuvendit të Kosovës nga radhët e Nismës Social-Demokrate, Milaim Zeka, i ftuar në emisionin Dpt te Fidani, tha se presidenti i Kosovës, Hashim Thaçi, po tregon përralla për bashkimin me Preshevën e bashkimin kombëtar.

“Kurgja ska me ba, vetëm përralla janë këto. Përralla e parë është marrja e Preshevës, Medvegjës e Bujanovcit pa dhënë asgjë, e përralla e dytë, është bashkimi kombëtar” tha Zeka.

Ai shtoi se Thaçi ka qenë partizani më i madh për me heq taksën, e tani e ka rrotulluar tabelën për bashkim kombëtar, e këto njerëzit normal nuk i hajnë.

“Rreth taksës ka qenë partizani ma i madh për me e heq, e tash si e ka rrotullu tabelën për bashkimin kombëtar për mua është ide qesharake, që njerëzit normal nuk i hajnë. Këta po e konsiderojnë popullin budallë, nëse nuk e konsideron të tillëm nuk del me teori të qastit” shtoi ai.

Milaim Zeka, sot paralajmëroi edhe hapjen e një partie të re politike. /GazetaExpress/