Në mbledhjen e Qeverisë, është dhënë informata lidhur me mallrat që kanë hyrë në Kosovë para vendosjes së masës prej 100% për produktet e importuara me origjinë nga Serbia dhe Bosnja e Hercegovina.

Kryeministri Ramush Haradinaj ka thënë se bëhet fjalë për produktet që kanë hyrë para marrjes së vendimit nga Qeveria për taksën.

“Në momentin e marrjes së vendimit në atë kohë ka qenë një sasi në depo në dogana. Tregtarët, sipërmarrësit, pasi që e kanë shti në Kosovë dhe nuk e kanë pasur të doganuar. Është krijuar një vakum që duhet ta gjejmë një zgjidhje që të mos i ngarkojmë sepse ata mall është në Kosovë dhe nuk është në Serbi. Është paguar për atë mall”, ka thënë ai, raporton arbresh.info.

Ministri i financave, Bedri Hamza ka thënë se Doganat duhet ta trajtojnë me kujdes.

“Doganat e Kosovës ta trajtojnë me kujdes. Nëse ka nevojë për vendim të Qeverisë ne do ta trajtojmë me legjislacionin në fuqi. Qëllim i joni nuk është ta ngarkojmë buxhetin apo të krijojmë të hyra me ngarkesa joekonomike”, ka theksuar ai./arbresh.info