Instituti Demokratik i Kosovës  ka ftuar grupin parlamentar të Listës Serbe që të marrë pjesë në seancën për shndërrimin e FSK-së në ushtri.

KDI përmes një komunikate për medie ka shkruar se kjo pjesëmarrje do të ishte në funksion të integrimit të vlerave demokratike të shoqërisë së Kosovës, shkruan Arbresh.info.

”Instituti Demokratik i Kosovës (KDI), fton grupin parlamentar të Listës Serbe që të marr pjesë në seancën plenare për miratimin e pakos së Ligjeve për FSK-në, të cilat i mundësojnë FSK-së shndërrimin e saj në ushtri. Pjesëmarrja e grupit parlamentar të Listës Serbe në këtë seancë parlamentare do të jetë në funksion të integrimit dhe zhvillimit të vlerave demokratike të shoqërisë së Kosovës”, thuhet në komunikatë.

Instituti Demokratik i Kosovës ka kërkuar që ky shndërrim të mos shihet si kërcënim ndaj askujt pasi garanton përfshirjen e të gjitha komuniteteve.

“Pako e ligjeve të FSK-së, garanton përfshirjen e të gjitha komuniteteve që jetojnë në Kosovë, duke mos u bazuar në ndarje etnike. Ky transformim i FSK-së nuk duhet të shihet si kërcënim ndaj asnjë komuniteti që jeton në Kosovë. FSK-ja si forcë ushtarake multi-etnike profesionale ka për detyrë të mbrojë integritetin territorial të vendit dhe të gjithë qytetarët e saj. Me miratimin e ligjeve për transformim të FSK-së, Kosova do të avancojë dhe do të kontribuojë në fushën e sigurisë dhe mbrojtjes jo vetëm brenda por dhe në rajon e me gjerë”, thuhët më tej në komunikatën e KDI-së.

Më poshtë mund të gjeni të plotë komunikatën./Arbresh.info/

“KDI fton deputetët e Listës Serbe të marrin pjesë në seancën për transformimin e FSK

Instituti Demokratik i Kosovës (KDI), fton grupin parlamentar të Listës Serbe që të marr pjesë në seancën plenare për miratimin e pakos së Ligjeve për FSK-në, të cilat i mundësojnë FSK-së shndërrimin e saj në ushtri. Pjesëmarrja e grupit parlamentar të Listës Serbe në këtë seancë parlamentare do të jetë në funksion të integrimit dhe zhvillimit të vlerave demokratike të shoqërisë së Kosovës.