Zyrtare: Kosova pranohet me status të asocuar në organizatën e Frankofonisë

15:00 | 11 Tetor 2018
M. A.

Ministri i Punëve të Jashtme të Republikës së Kosovës, Behgjet Pacolli, ka konfirmuar se Këshilli i Ministrave të Jashtëm ka pranuar Kosovën me status të asocuar në organizatën e Frankofonisë.

Këtë ai e ka bërë të ditur përmes një postimi në facebook duke thënë se ky është një sukses i madh i diplomacisë kosovare.

“Sukses i madh i diplomacisë tonë në Organizatën Ndërkombëtare të Frankofonisë. Republika e Kosovës sapo u pranua me statusin e anëtarit të asocuar në organizatën e Frankofonisë, që është organizatë shumë e fuqishme politike dhe e dyta në botë për nga rëndësia, pas OKB. Faktorizimi i Kosovës në botë po shënon suksese. Falenderim për të gjithë anëtarët e MPJ që u angazhuan palodhshëm për këtë sukses të madh.”, ka shkruan Pacolli./Arbresh.info/