Ushtria e Serbisë tash e tutje do të udhëhiqet nga një serb i Mitrovicë.

Kjo pasi presidenti i Serbisë, Aleksandër Vuçiq, tha se ka pranuar kërkesën e shefit të deritashëm të Shtabit të Përgjithshëm të Ushtrisë serbe, Lubisha Dikoviq, për pensionim.

Dikoviq do të zëvendësohet në këtë pozitë nga Milan Mojsiloviq, i cili deri tash ka shërbyer në ministrinë e Mbrojtjes në Serbi.

Mojsilloviq ka lindur më 3 gusht 1967 në qytetin e Mitrovicës.

Ndryshe komandanti i deritanishëm Dikoviq ka qenë komandant i brigadës së 37-të të ushtrisë jugosllave.

Fondi për të Drejtën Humanitare në Serbi pati thënë se posedon dokumente që tregojnë se në vrasjen e civilëve shqiptarë në Rezallë kanë marrë pjesë ushtarët e brigadës 37.

Dikoviq i ka mohuar këto pretendime dhe prokurorët serbë nuk kanë ngritur ndonjë akuzë kundër tij.