Shiu i madh që ra në muajin qershor në Kosovë përpos vërshimeve e problemeve që shkaktoi, ka sjellë edhe një fenomen të rrallë.

Sipas Besim Aliut, parashikues i motit në Institutin Hidrometeorologjik të Kosovës, qershori solli për dallim prej shumë vjetëve të tjera, më shumë të reshura në rrafshin e Kosovës se në rrafshin e Dukagjinit.

“Sasitë e reshjeve në muajin qershor ishin enorme në jug dhe juglindje të Kosovës. Sipas statistikave rrafshi i Dukagjinit gjithmonë kishte reshje më shumë se rrafshi i Kosovës, POR kjo nuk ndodhi edhe këtë vit. Ky fenomen nuk përfundon këtu, por lë vend për analiza të thella dhe rezultate konkrete!”, ka thënë ai.

Aliu në Facebook ka postuar edhe një fotografi ku ka treguar sasinë e reshjeve në Prishtinë, Pejë, Prizren dhe Ferizaj për të treguar dallimet interesante.