Shefi i OKB-së takon udhëheqësit e Qipros Turke dhe Qipros Greke

23:46 | 25 Nëntor 2019

Ky ishte takimi i parë trepalësh midis shefit të OKB-së, presidentit të Qipros Turke dhe liderit të Qipros Greke, pasi bisedimet e udhëhequra nga OKB-ja u prishën dy vite më parë në Zvicër.

Sekretari i Përgjithshëm i Kombeve të Bashkuara (OKB), Antonio Guterres, ka zhvilluar një takim joformal me presidentin e Republikës Turke të Qipros Veriore, Mustafa Akıncı dhe liderin e Qipros Greke, Nicos Anastasiades, raporton Anadolu Agency (AA).

Guterres takoi liderët e dy vendeve për një darkë joformale në Hotel Adlon në Berlin pas bisedimeve të ndara me liderët.

Ky ishte takimi i parë trepalësh midis shefit të OKB-së, presidentit të Qipros Turke dhe liderit të Qipros Greke, pasi bisedimet e udhëhequra nga OKB-ja u prishën dy vite më parë në Zvicër.

Para bisedimeve joformale në Berlin, presidenti i Qipros Turke shprehu shpresë për përparim në ringjalljen e bisedimeve të udhëhequra nga OKB-ja.

“Erdhëm këtu me shpresën dhe qëllimin për të bërë një hap pozitiv para drejt një zgjidhjeje”, u tha Akıncı dje gazetarëve.

Problemi i Qipros ka mbetur i pazgjidhur me dekada pavarësisht disa përpjekjeve të OKB-së, ndërkohë tensionet e fundit në Mesdheun Lindor e kanë komplikuar më tej problemin.

Qiproja Turke kundërshton pretendimin e administratës së Qipros Greke, e cila kërkon të jetë qeveria e vetme legjitime e gjithë Qipros, ndërsa Qiproja Greke kundërshton njohjen e barazisë politike të Qipros Turke.

Pas grusht shtetit ushtarak të vitit 1974 që synonte aneksimin e Qipros nga Greqia, ishulli u nda në Qipron Turke në veri dhe Qipron Greke në jug.

Ndërhyrja e Turqisë si një fuqi garantuese në vitin 1974 ndaloi përndjekjen dhe dhunën disavjeçare kundër qipriotëve turq nga qipriotët grekë ulra-nacionalistë.

Shpërndaje në rrjete sociale

Lajmet më të lexuara