Kërkesa që Kisha e Shën Sofisë në Stamboll të konvertohet në xhami, ishte arsyeja e protestave të sotshme në Stamboll, të cilat u organizuan nga organizatat joqeveritare turke.

Protestuesit u mblodhën rreth kishës në rajonin historik Sultanahmet, duke mbajtur parulla me mesazhe islamike, njoftuan mediat vendase.

Në një baner shkruante që Kisha e Shën Sofjes “duhet të ri-hapet si një xhami.”

Kjo nuk është hera e parë që kërkohet që kisha e ndërtuar 537 vjet më parë, të shndërrohet në një xhami, transmeton arbresh.info.

Pas rënies së Kostandinopojës në vitin 1453, kisha u shndërrua në xhami, dhe në vitin 1935, me vendim të themeluesit të Turqisë moderne, Mustafa Kemal Ataturk, tempulli u shndërrua në një muze.

Shumë njerëz në Turqi besonin se kjo ishte një koncesion poshtërues për Greqinë dhe aleatët e saj.

Para dy vitesh, një zyrtar i lartë turk premtoi se kisha ortodokse së shpejti do të konvertohet në një xhami, gjë për të cilën Greqia reagoi ashpër.

Kisha e Shën Sofisë në Stamboll është në listën e Trashëgimisë Botërore të UNESCO-s./arbresh.info/