Trajneri i Manchester City, Manuel Pellegrini ka thënë se është i bindur se skuadra e tij do të fitojë Ligën e Kampionëve dhe do të luajë mirë si Barcelona, ​​raporton Anadolu Agency (AA).

“Në dy vitet e fundit, u takuam me Barcelonën, po të ishim Villareal apo Malaga nuk do të shkonim kaq larg”, ka thënë Pellegrini.

Ai theksoi se në ekipin e tij luajnë lojtarë shumë të rinj në krahasim me klubet e tjera më të mira evropiane.

“Krahasuar me Barcelonën, Real Madridin, Bayern Munich apo Juventusin, ky është një ekip shumë i ri. Jemi ekipi më i ri nga të gjitha ekipet që kanë fituar Ligën e Kampionëve në dhjetë vitet e fundit. Kemi konsoliduar ekipin dhe na nevojitet pak kohë për tu zhvilluar”, ka thënë Pellegrini.

Ai shtoi se ekipi i tij ka potencial për të fituar Ligën e Kampionëve. “Jam absolutisht i bindur se do të fitojmë Ligën e Kampionëve. Ne duhet të jemi një ekip i fortë në Europë, por jo në dëm të Premier League-s. Mund të luajmë vetëm një lojë të keqe dhe të eliminohem, ndërsa në Premier League tolerohen gabimet. Nuk duhet të fokusohemi vetëm në një drejtim. Liga e Kampionëve duhet të jetë qëllimi ynë, por jo obsesioni ynë. Një ditë do të jemi të fortë sikur Barcelona”, konstaton Pellegrini.