Lionel Messi ka vazhduar shkëlqimin në elitën e futbollit amerikan MLS, ku Inter Miami ka marrë fitore në udhëtim 1-4 te New England Revolution.

Futbollisti më i mirë në botë për vitin e fundit, ka dhënë një paraqitje fantastike në Gillette Stadium në prani të 65 mijë tifozëve me dy gola dhe dy asistime.

Golin e parë argjentinasi e realizoi në minutën e 32-të pas një asistimi nga Taylor për t’i barazuar shifrat në 1-1, ku me këtë rezultat u mbyllën edhe 45 minutat e para.

Ishte minuta e 68-të e ndeshjes, kur Messi u shërbye në mënyrë të mrekullueshme nga Sergi Busquets për të realizuar golin e dytë.

Pas kësaj argjentinasi vazhdoi shkëlqimin me asistime, teksa shërbeu Cremaschin dhe Luis Suarezin që realizuan për 1-3 dhe 1-4.

Me këtë fitore Inter Miami ngritët në pozitën e parë në tabelë me 21 pikë në Konferencën e Lindjes.

Ndërkohë Messi me dy golat e shënuar gjithashtu është ngritur në pozitën e parë të golashënuesve në MLS, pasi tani ka nëntë gola dhe tetë asistime. /Telegrafi/