Federata Rumune e Futbollit po shqyrton mundësin të ndaloj udhëtimin e tifozëve rumunë në Prishtinë.

Ky vendim ka ardhur si pasoj e tensioneve në veri.

Por, Kryetari i Federatës së Futbollit të Kosovës, Agim Ademi ka insistuar se në Kosova është vend i sigurt.

Ai ka bërë të ditur përmes një postimi të mërkurën se ka zhvilluar një takim me kryetarin e Federatë së Futbollit të Rumanisë, Razvan Burleanu dhe i ka garantuar siguri përfaqësueses dhe shikuesve të Rumanisë.

“Në kuadër të takimeve në UEFA, sot zhvillova një bashkëbisedim me presidentin Burleanu dhe e sigurova se gjendja në Prishtinë është në rregull dhe nuk ka asnjë lidhje me pasigurinë. Ne si federatë, bashkë me institucionet shtetërore, do të marrim masat e nevojshme për të siguruar që ekspedita e Kombëtares së Rumanisë dhe tifozët e tyre të ndihen të sigurt gjatë qëndrimit në Kosovë, ashtu siç kujdesemi për çdo ekip tjetër. Kosova, në këtë drejtim, e ka dëshmuar organizimin dhe mikpritjen e jashtëzakonshme për të gjitha ekipet dhe tifozërit e tyre”, ka shkruar ai.

Kosova përballet me Rumaninë në “Fadil Vokrri” më 16 qershor, në kuadër të kualifikimeve për Kampionatin Evropian 2024.