Nënkryetari i Bashkisë, Enno Bozdo tha se “socialistët dolën kundër vendimit për familjet në programin e strehimit”. PS dhe LSI thanë se projektvendimi duhej shtyrë deri në plotësimin e listës me 385 banesa

Denion Ndrenika

Këshilli Bashkiak i Tiranës dështoi të miratojë një projektvendim që i hap rrugën dhënies së banesave shoqërore për 177 persona.

Në Këshillin Bashkiak projektvendimin e mbrojti në mbledhjen e mbrëmjes, nënkryebashkiaku Enno Bozdo.

Mospajtimi u shoqërua me akuza politike sipas taboreve të Partisë Demokratike pakicë në Këshillin Bashkiak dhe Partisë Socialiste dhe Lëvizjes Socialiste për Integrim aleate sikurse në qeverisjen vendore.

Nënkryetari i Bashkisë, Bozdo tha se “socialistët dolën kundër vendimit për familjet në programin e strehimit”.

Bashkia se “PS dhe LSI bllokuan dhënien e banesave sociale për 177 persona” dhe se “fatkeqësisht politika ndërhyri”.

Sipas bashkisë që drejton kryetari i Partisë Demokratike opozitare “shumica bllokoi banesat”.

“Politika e tritolit dhe keqqeverisjes bllokoi banesat sociale. Miratimi i 177 banesave sociale nuk i prishte punë të tjerëve”-tha Bashkia.

Aleatët qeverisës vendorë dhe qendrorë thanë se duhet “ta shtyjmë vendimin 10-15 ditë derisa të vijë lista e plotë e ndarjes së 385 banesave”.