Shkencëtarët kanë bërë një studim për kërpudhat dhe rezulton se konsumimi i tyre është një burim shumë i mirë i vitaminës D.

Shkencëtarët kanë deklaruar se studimi është bërë tek një numër i lartë pjesëmarrësish. Tek këta të fundit është matur niveli i vitaminës D në gjak para se të konsumojnë kërpudha dhe pas 12 javëve me një konsumim të përditshëm të tyre, niveli i vitaminës D është rritur dukshëm.

Gjatë ekspozimit në diell kërpudhat fillojnë prodhimin e vitaminës D, ndërsa studimet e deritanishme kanë zbuluar që ekzistojnë shumë pak bimë me këtë karakteristikë.

Njeriu, në anën tjetër, gjatë ekspozimit në diell, prodhon vitaminën D3, e cila u rekomandohet të gjithë personave me mungesë të vitaminës D në organizëm.

Megjithatë, studimet më të reja kanë dëshmuar se vitamina D2 ka të njëjtin efikasitet, në krahasim me vitaminën D3. Për të pasur një shëndet të mirë duhet patjetër të konsumoni kërpudha.