Ka ndërruar jetë e lënduara e aksidentit që ndodhi sot rreth orës 13:00 në magjistralen Prishtinë-Mitrovicë, përkatësisht në fshatin Llazarevë.

Policia me anë të një kumtese për media ka njoftuar për vdekjen e viktimës.

“Si pasojë e këtij aksidenti viktima; Z. D, femër 40 vjeçare, shtetase Kosovare, ka ndërruar jetë, vdekjen e viktimës e ka konstatuar ekipi mjekësor në QKUK. Ndërkohë që të tre personat e lënduar janë dërguar në QKUK, ku ende po vazhdojnë të marrin trajtimin e nevojshëm mjekësor.”

Më tej në njoftim thuhet se trupi i pa jetë i viktimës me urdhër të prokurorit të shtetit është dërguar për obduksion, ndërkohë që hetuesit trafikut rajonal po punojnë me intensitet të shtuar për sqarimin e të gjitha rrethanave që kanë sjellë deri te ky aksident tragjik.

Kjo është viktima e dytë si pasojë e aksidenteve të trafikut gjatë ditës së sotme dhe gjithashtu dhjetëra të tjera kanë mbetur të lënduar.