Sot zëvendëskryeministri dhe ministri i Punëve të Jashtme Hashim Thaçi do të fillojë edhe zyrtarisht vizitën e tij në Berlin. Thaçi në Berlin është ftuar nga homologut i tij gjerman, Frank-Walter Steinmeier.

Sipas komunikatës së lëshuar nga Ministria e Punëve të Jashtme, Thaçi pritet të takohet me deputetë të Bundestagut nga subjekte të ndryshme politike gjermane.
Më pas ministri i Jashtëm do të takojë homologun e tij gjerman me të cilin do të bisedojë për bashkëpunimin ekonomik mes dy shteteve dhe përkrahjen gjermane për politikën e jashtme kosovare.

Thaçi pasditen e së hënës do ta mbajë një ligjëratë në Këshillin për Marrëdhënie Ndërkombëtare të Gjermanisë.
Nga nikoqirët e tij ai do të kërkojë edhe mbështetjen për liberalizim vizash dhe rrugën evropiane të Kosovës.

Kjo është vizita e parë e Hashim Thaçit me ftesë të zyrtarëve gjermanë në Gjermani si zyrtar i lartë në Qeverinë e Kosovës .