Besimtarët myslimanë kanë nisur sot muajin e shenjtë të Ramazanit me fillimin e faljes së namazit të teravisë në xhamitë e vendit, duke shënuar hyrjen në muajin më të rëndësishëm të fesë islame.

Nesër, besimtarët do të ngrihen herët në mëngjes në orën 04:49 për të marrë Syfyrin e parë, vaktin që paraprin agjërimin e ditës së parë të Ramazanit. Agjërimi nënkupton përmbajtjen nga ushqimi, pijet dhe veprimet që e prishin atë, nga agimi deri në perëndim të diellit, duke i kushtuar më shumë kohë lutjeve, lexim Kuranit dhe veprave të mira, shkruan Arbresh.info.

Dita e parë e agjërimit do të përfundojë me iftarin, kur familjarët do të mblidhen rreth sofrave për të çelur agjërimin, tradicionalisht me hurma dhe ujë, duke ndjekur praktikën e Profetit Muhamed a.s.

Muaji i Ramazanit mbetet kohë reflektimi shpirtëror, solidariteti dhe përkushtimi ndaj Zotit dhe bashkëqytetarëve./Arbresh.info/