Në Info Magazine të Klan Kosovës i ftuar është Riza Smaka nga Aleanca për Ardhmërinë e Kosovës, me të cilin do të flitet për papranueshmërinë që Gjykata Kushtetuese i ka bërë kërkesës së Opozitës, duke hedhur poshtë kërkesën e partive opozitare për vërtetim të parregullsive në rastin e riprocedimit për votim të amendamentit 24, për ndryshime kushtetuese nga Qeveria e Kosovës.

Smaka tha se nuk e ka pritur këtë vendim.

“Ne kemi pritur që Gjykata do të konstatojë se është shkelur Kushtetuta dhe nuk ka bazë për miratimin dhe ratifikimin e marrëveshjeve”.

“Unë jam befasuar jokëndshëm, sepse kam pritur me bindje që nuk do të hidhet poshtë kjo kërkesë”.

Sipas Smakës, kjo është shkelje e paprecedent e Kushtetutës së vendit.

“Ka pika që janë në kundërshtim me Kushtetutën pasi formohet sistemi gjyqësor prokurorial ku nuk aplikohet e drejta e vendit për raste që janë supozuar se janë kryer në vend”.