Kuvendi i Kosovës ka miratuar raportin vjetor të Agjencisë për Informim dhe Privatësi për vitin 2020.

Kryetari i Komisionit për Buxhet, Armend Muja, rekomandoi miratimin e raportit duke mos dhënë shumë detaje.

“Pjesa më e madhe e shpenzimeve i dedikohen rrogave, që janë fikse. Disa çështje të viteve paraprake janë adresu”, është shprehur Muja.

Deputeti i Vetëvendosjes, Enver Dugolli, thotë se ky agjencion për një kohë të gjatë nuk e ka funksionin normal, në mungesë të funksionerit.

“Si një raport narrativ që nuk përmbanë shumë aktivitete e kemi miratu edhe në Komision dhe i japim mbështetje edhe si grup parlamentar”, është shprehur Dugolli.

Përkrahje ka shprehur edhe Partia Demokratike e Kosovës.

Deputeti i PDK-së, Elmi Reçica, tha se ky raport është real, por vë në pah disa sfida me të cilat përballet.

“Mos emërtimi i komisionerit, pamundësia e kontrollit, stafi i pa mjfatueshëm, dhe ngritja e kapacitetve të zyrtarëve duhet të adresohen. Krijimi i 17 zyrtarëve inspektues, kërkon buxhet prej 190 mijë eurosh. Aktualisht ky agjencion ka vetëm 34 punonjës”, është shprehur Reçica.

Pikë tjetër është edhe debati parlamentar në lidhje situatën ekonomike si pasojë e pandemisë COVID-19./arbresh.info/